ARMONIE DE SAVORI – BANANE IN SALSA CARAMELADA
Un’altra rizeta de Maria Luisa Runti per un rebechin veloce o per serar un buon pasto co un desert particolare.
INGREDIENTI
4 banane
2 naranze strucade
6 cuciari ulmi de zuchero
1 nose grande de butiro
2 cuciari de brandy o marsala o bourbon
8 amareti pici sfregoladi fini
canela butada a biondo dio
1 poco de zenzero
COME FAR
Squaiar el butiro in una grande tecia, cazarghe le banane e rigirarle pian pianin per mezo minuto. Sbrufarghe el sugo de le naranze, el brandy o la marsala o el bourbon e i amareti sfregoladi. Continuar a rigirarle per qualche minuto e po zontarghe el zuchero ed alzar legermente el fogo finché no se squaia e diventa scureto.
Boir a fogo sai lento ancora un per de minuti scarsi e zontar canela e zenzero. Lasar riposar un per de minuti e servir.
