Curriculum

[Paolo]

Eco te vedi che dai asili vien sempre fora aneddoti interessanti

[pellicano1962]

Ma mi, veramente, non intendevo meter soto interogatorio Cristina...
Mi pensavo che tuti podessi partecipar a sto C.V. - come che gaveva proposto Dario
in origine - contando qualcossa de noi, co jerimo muleti e de un poco più gradisei.
Tanto per conosserse un poco de più.

[micel]

però per inquadrar la situazion ghe volessi partir da l'asilo
i primi segni de ribellion li go manifestadi propio là
ma anche i primi "amori"...quell'incomprensibile bisnis con giuliana no lo go mai dimenticado
e gavevo solo 4 anni

[Paolo]

No Pellicano, nissun interogatorio: xe sta un modo cocolo per romper el iazo e butar zo qualcosa: cominciar dall'asilo xe cocolo e interessante.
Mi l'asilo lo go fato a Cologna, a poca distanza dal campeto. Iera un logo bellissimo, pien de verde, un parco esagerado e in inverno spesso vigniva zo la neve che ierimo bastanza in alto. De matina se ciapava el tram in piazeta scorcola, no prima de gaver fato rifornimento de merenda nel bar lateria la tacado, in via comerciale. A spetar el popolo asilante nel tram iera la bambinaia dell'asilo, cussi i genitori iera franchi de poder tornar a casa senza dover far la gitarella insieme a noi. Insoma, come disi Cri, bei tempi dove se doveva organizarse za de matina bonora per el duro divertimento.

[Cristina]

Carissimo Pellican,
Paolo gà fatto ben. Mi gò sto "problema" che se te ma dà un titolo troppo generico, me pianto là e no so cossa scriver!
Te gà presente quando che te fa un colloquio de lavor e i te domanda: "LA me parli de lei?!"... Per mi xè la fine...
Me vien de risponderghe: "Nacqui il 4 settembre del 1972 alla Clinica Salus di Trieste..."
Ehhh.. per certe robe, Cristina no xè per barca!

[pellicano1962]

Perfetto. Alora ve speto. Mi son zà rivà co jero militar...Gavessi tanto de contar,
del'asilo fato un poco a Montona in Istria e un poco a Gavardo (BS) dal '44 al '45,
i bombardamenti dei aerei americani e le bombe cascade vizin de dove che abitavimo,
che ga ferì anche dei mii familiari, ecc, ecc. ma saria sai noioso parlar sempre de se
stessi.
Preferisso leger le storie dei altri. Zà qualchedun me ga fato notar che conto de robe
vissude come se gavessi 1500 anni. Ghe ne go un pochi de meno ma el bagaglio dele
robe vissude e sopratuto dei ricordi, xè lostesso "ingombrante".

[Cristina]

SISISISI.. non era un riferimento all'anzianità... Hai vissuto talmente tante esperienze e ricordi talmente tante cose che, non so come fai a vivere da COSI' POCO TEMPO! Sembri un immortale!
Io ti ammiro molto... E poi... non è facile conoscere un 1500enne di sti tempi! Me ne vanto!

[pellicano1962]

Infatti son un highlander...con bona memoria!