Una speranza

[pellicano1962]

Carisimi tuti,
ormai se avicinemo ale Festività Natalizie a grandi passi e mi aprofito per farve i più sinceri auguri de Bon Nadal e Felice Anno Novo a tuti i triestini che, fortunadi lori, i vivi a Trieste, a quei più "ariosi", che abita un poco più lontan, a quei che risiedi fora dei patrii confini e a quele amiche che, pur no 'sendo triestine, le ga contribuì a render più bel e loquace el "nostro" forum. ('Desso, per la verità le xe un poco latenti...)
Scrivo 'desso perchè forsi mi e mia moie anderemo un poco via. Dipendi anche de un'altra
copia che, purtropo, quando che se ga de far un viagio insieme coi altri, no se sa mai quando che se parti e se se partirà veramente. Speremo ben!
Cmq. auguro a tuti de passar le prosime feste in serenità e, chi che pol, con le persone più
care. Un particolar augurio a quei che gavemo perso per strada, ala nostra Cristina, che spero el Piccolo ghe gabi publicà le sue foto che tanto la ghe tigniva, a San Nicolò che sto anno el se devi eser fermà in qualche posto caldo, 'ndove che se pol far el bagno de mar
tuto l'anno (beato lù) e, ultimi ma no meno importanti, ai nostri Micel e Paolo che spero i se dia de far anche el prosimo anno per far prosperar el nostro forum.
Ancora Bone Feste a tuti.
Pelican

[Paolo]

Grazie mille Pellicano, ricambio anche se tardivamente!